o̱bhagiyạ

Goracãd Ṭu​ḍu

mayam kũ​ḍi re̱ mit̓ ṭho̱p mayam
sare̱c̓ me̱nak̓ khan hapṛamko̱wak̓
dil ar daṛe̱ te̱m puro̱n ge̱ya
apnar lạyo̱go̱k̓ so̱ṛa Santal..

se̱day hapṛam ko̱ re̱ go̱ro̱bo̱k̓ me̱
bud ar daṛe̱ te̱ ko̱ re̱he̱t̓ ke̱da
kajak dhạrti re̱ baṅ ​ḍĩgạwak̓
Santali pạrsi ar jạt Santal..

hapṛamko̱wak̓ do̱ so̱ne̱ro̱ din
nako̱ ge̱ raj-rapaj po̱rja nako̱
jạt jaṅ ro̱ho̱y kate̱ pạrsi po̱ha
jo̱to̱ko̱te̱ jo̱to̱n te̱ ko̱ dare̱ ke̱da..

mayam kũ​ḍi re̱ mit̓ ṭho̱p mayam
sare̱c̓ me̱nak̓ khan hapṛamko̱wak̓
dil ar daṛe̱te̱m purun ge̱yam
Santal Santali jo̱to̱n lạgit̓..

o̱ hay! o̱bhagiyạ jạt bạdi
po̱r pạrsi ṭạmni ṭãga ti re̱
e̱dam mak̓ e̱dam kumãya ge̱
Santal Santali kạci kạ​ḍlak̓.

po̱rjạt pạrsi co̱ṅ lahra kana
no̱ṭaṅle̱nkhan o̱nam ha​ḍale̱k̓
nijak̓ nihạtkate̱m ciṅgạwe̱na
ne̱ṭak̓ ko̱ ṭhe̱n hõ̱m nisṛạwe̱na.

ja! hapṛamko̱re̱n be̱-mak̓no̱tic̓
nij-jạt-nik̓hạtic̓ po̱rjạtto̱yic̓
hapṛamko̱wak̓ jaṅ ce̱ṭe̱r ńurama
Santal Santalire̱n Santal bạdi..

Source: http://furgal.wordpress.com/tag/santali-poem/

Share on Google Plus

About Santali Pạrsi